La grande familiarité que i'ay eue auec feu Frâçois Rabelais m'a incité (amy ledeur) voire côtraint de mettre cefte dernière de fes œuures en lumière qui font, Les diuers fonges drolaticques du trefexcellent, mirificque Pantagruel; homme iadis tref renommé à caufe de fes faifts heroiques, comme les hiftoires trefplufque véritables en fôt des difcours admirables: qui eft la principale caufe que ie n'ay (^pour euiter prolixité) voulu en faire aucune mention, ains feulement ie certifiray , côme en paffant , que ce font figures d'vne aufsi eftrâge façon qu'il f en pourroit trouuer par toute la terre, & ne croy point que Panurge en ait iamaisveu ne cogneu de plus admirables es pays ou il a faiâ: n'agueres fes dernières nauigations. Or quant à vous faire vne ample defcription des qualitez & eftats, i'ay laifTé ce labeur à ceux qui ont verfé en celle faculté & y font plus fuffifans que moy: voire pour en déclarer le fens miftique ou allégorique, aufsi pour leur impofer les noms, qui à chacun feroit conue nable. le n'ay femblablement trouué bon de faire vn long préface pour la recommandation de ce prefent œuure, cela eft à faire à ceux qui veulent faire voler leur renommée parmy IVniuers: car comme on dit en commun prouerbe, quand le vin eft bon, il ne fault point de bouchon à l'huis de la tauerne. le n'ay voulu aufsi m'amufer à difcourir l'intention de l'autheur, tât à caufe que l'en fuis incertain, que pour la grand difficulté qui fe trouue à contenter tant d'efprits qui font d'eux mefmes alTez lunatiques, i'efpere toutesfois que plufieurs f y trouueront fatisfaids : car celuy qui fera ref ueur de fon naturel y trouuera dequoy refuer, le melencolique dequoy fefiouir, & le ioyeux dequoy rire, pour les bigaretez qui y font contenues priant vn cha cun d'eux de prendre le tout en bonne part, l'afl'eurant que mettant ceft oeuure en lumière, ie n'ay entendu aucun y eftre taxé ne côpris de quelque eftat ou condition qu'il loit, ains feulement pour feruir de pafle temps à la ieunefle, ioint aufsi que plufîeurs bons elprits y pourrôt tirer des inuentions tant pour faire croteftes , que pour eftablir mafcarades, ou pour appliquer à ce qu'ils trouuerront que l'ocafion les incitera, voila à la vérité qui m'a en partie induit ne laifler euanouir ce petit labeur, te priant affeAueufement le receuoir d'aufsi bon cueur qu'il t'eft prefenté.